قالت الجمعية الوطنية لحقوق الإنسان، إنه يجوز لبنات وأبناء المواطنة من زوج غير سعودي، ممن تنطبق عليهم شروط طلب إعانة البرنامج الوطني لإعانة الباحثين عن العمل “حافز” تقديم طلب بذلك والحصول عليها عند الموافقة.
وكانت وزارة العمل قد حددت 14 شرطاً للحصول على إعانة “حافز”، حيث يستحق الباحث عن عمل مبلغ إعانة قدره ألفا ريال شهرياً لمدة اثني عشر شهراً هجرياً تبدأ من تاريخ الموافقة على طلب الإعانة.
التعليقات
احلى كيف !
امهم سعودية كيف تقول اجانب ماعلينا من ابوهم المهم امهم سعودية ويحق لها تطلب الجنسية لعيالها وانت تقول جرره بالمحاكم وبالنهاية ماتاخذ الجنسية عزالله انك خروف ودلخ بعد والله اعرف وحدة زوجها يماني وعيالها سعوديين عطتهم جنسيتها سبع عيال وثلاث بنات كلهم سعوديين وأبوهم يماني وياخذون حقوقهم كسعوديين وازيدك من الشعر بيت الولد الكبير طلع اسمه بالإسكان والثاني طلع اسمه بالخرج بالقرض العقاري ٥٠٠الف وكل عيالها متوظفين بالحكومة واحد بالجوازات واحد بالجمارك واحد بالتعليم العالي وعندها بناتها كلهم دارسين بالمدارس والجامعات مثل السعوديات ولا كأنها يمانيه ابوها يماني السعودية اذا تزوجت اجنبي على قولتك لانه هو مو اجنبي هو عايش بالسعوديه مولود بالسعوديه الا انها تعترف بعيالها وتخاف عليهم والدوله بعد حريصة على هالامر وتقف بجنب المواطنه وتعطيها حقوقها مو مثل الرجال لاتزوجوا أجنبيات جحدوا عيالهم ويقولون لهم والله الشمس اقرب لكم من الجنسية والحقوق الشرعية أقول وش صار للبنت السعودية اللي أمها اندونيسية مسكينه ابوها وصلها للترحيل مع العمال حسبي الله عليه من رجال لو ابوها إندونيسي كان أمها ما وصلتها للترحيل هنا الفرق يالحبيب وبعدين ما يكدون على العيال من حلال ابوك من حلال امهم موظفين ولهم رواتب عين خير بس هم مواطنين من طرف امهم رضيت وإلا بكيفك
حسبنا الله ونعم الوكيل اذا زوجتي الي الحين مقدمة ولا جاها وبيعطون الاجانب ،،
هذا بلد الاجانب مالنا شي فيه ،،يبون الشعب من القهر ينفجر ،، شي والله يقهر
ابسط حقوقهم
ياحقوق الانسان انتو وين وحافز وين الجماعة ماعطو السعوديين واذا عطوهم لابد من الخصم قال يعطون ابناء المواطنة المتزوجة من اجنبي اول يغطون المواطنين وبعدين الجماعة هذولي
انا سعوديه وامي سعوديه وابوي سعودي وجيرانا سعوديين وعلى الحديده وحسبي الله عليكم يا حافز
مسجله فيه واحدث كل شهر ولا شفت ولا قرش من جد قهر
هههه ضحكتيني وانا ما ابغى اضحك هذا كلام صحف ولكن الحقيقة انها تتكسر رجليها من المراجعات على الدوائر الحكوميه وبالاخر ماتطول شيء اقصد الجنسيه لان الدوله تعي ان الابن ترجع جنسيته لابوه فهمتي . اما بالنسبه لحافز خليهم اول يصرفون لكل ابناء الدوله السعوديين اصل وفصل وبعدين يفكرون يصرفون للاجانب .
وبعدين تعالي ذولا اجانب حنا وش دخلنا فيهم يرجعون لبلد ابوهم الاصلي ويصرف لهم من هناك . وش الي مزعلك ( انا اتكلم من منطلق خير السعوديين للسعوديين فقط ) مثل أي دوله بالعالم عندما تهتم بمواطنيها فقط.
والله ما حد بعيد عن الشمس غيرك يقولك القانون يسمح وانتهى الامر وبعدين لا يكّون يصرفون على العيال من ورث ابوك على الأقل هي تعترف بعيالها والدولة ما تقصر معها في النهاية هم عيالها مو مثل اللي خبرك زواج مسيار ومسفار ومصياف وإذا حملت جحد وقال ما هم عيالي وجرره بالمحاكم وتحليل DNA وبعد ما يعترف فيهم حتى لو بقرار محكمة وروح شوف اواصر قال إِيش هذي بعيدة بعد الشمس أقول استريح من انت عشان تقول هالكلام
المعروف ان الابناء يتبعون اباهم . والسعوديه الي تزوجت من اجنبي وجاءها ابناء وجالسه تتبكبك تبغى تجنسهم اقول لها هذا اختيارك وانتي تتحملينه . وانتي اخترتي الزوج الاجنبي خليه يتحمل ويسفرك لبلده انتي وابناءه ويصرف عليهم هناك اما انك تطالبين ان يكون ابناءك سعوديين هذي بعيده بعد الشمس باذن الله .
وبالنسبه لحافز اقول اتقوا الله بابناكم وبناتكم السعوديات ولاتعطوا حقهم لناس لايستحقون ابناء السعوديات من الاجانب لا يستحقون وياحقوق الانسان لو تسكرون مكتبكم يكون احسن .لان هذه الدوله تطبق شرع الله وليست بحاجه لحقوق الانسان .
برقية إلى وزارة الشؤن اﻻجتماعية والله فشلتونا تعقيدات ومماطﻻت وذل وعلى ايش على 1500 وياليتها تجي كاملة ماتنصرف، اقترح الغوا ( حافز ) وريحوا المساكين
حب لااخيك المسلم مثل ماتحب لنفسك
في الشريعة الابناء ينسبون لوالدهم ناس جالسة تلعب في الانظمة اموال وتسهيلات الدولة احق بها ابناء الوطن السعوديين الذين يحملون شرف الوطن مستقبلا في قلوبهم واذا كانت سعودية متزوجة اجنبي فهي تعرف مسبقا ان ابنائها غير سعوديين وينتسبون لجنسية ابائهم وهذا شئ طبيعي وشرع الله سبحانه ودولهم متكفله بهم وتوضيفهم
هذا الي جيده فيه حقوق الانسان شي فيه اجنبي تبرز نفسها طيب وحقوقنا بالسكن اين
اترك تعليقاً