أكدت الفنانة المصرية سماح أنور أن فيلم بيت القاصرات يعد من أهم وأجمل الأعمال في مسيرتها الفنية، واصفة إياه بأنه محطة فارقة في مشوارها السينمائي.

وقالت أنور:“فيلم بيت القاصرات كان ثاني فيلم في حياتي وأول بطولة لي في السينما ، وخدت عنه جوائز كتير واتكرمت بسببه، وكان من أحلى الأفلام اللي عملتها ومفيش عمل بنفس جودته بعده”.

وعن سبب غيابها عن الساحة الفنية بعد الفيلم لمدة 5 سنوات، أوضحت : “أنا ما كنتش فاهمة في البداية ، لكن بعدين عرفت إن ده طبيعي.. لما ممثل ينجح جدًا في عمل قوي السوق بيبقى متردد شوية في اختياراته”.

وأضافت : “ لما بيحصل نجاح كبير، بيبقى فيه حالة توقف أو هدوء في العروض، وده حصل معايا في بداياتي ، وبعد كل نجاح كبير كنت باخد وقت قبل العمل اللي بعده”، وتابعت:“بقيت فاهمة الموضوع وبقيت لما أنجح أختار إني أبتعد شوية بدون قلق ”.

كما علقت على الجدل الذي صاحب بداياتها حول الواسطة ، قائلة: “في البداية الناس كانت بتقول إني دخلت الوسط بالواسطة، لكن مع الوقت والتجربة والاجتهاد الفنان بيقدر يثبت نفسه ويزيل أي شكوك”.