كشفت الفنانة داليا مصطفى عن تفكيرها في الارتباط مرة أخرى، قائلة: “أفكر أرتبط مرة ثانية بس يكون شخص أحبه ويحبني وأحس معاه بالأمان”، مضيفة: “لازم نحب بعض غير كده ما أقدرش”.

وأوضحت: “لازم يبقى فيه حدود.. أنا عارفة حدودي إيه.. لكن الحدود المفتوحة على بعضها دي مش موجودة عندي ومش هتقبلها خالص”، مضيفة : “ويبقا طيب وحنين وبيقدرني ويدعمني في شغلي”.

وأضافت: “شغلي بالنسبة لي أولا وأخيرا أهم حاجة دلوقتي في حياتي.. واللي متقبل ده أهلا وسهلا.. مش متقبل ده براحته”.

وتابعت عن ترددها في الارتباط بسبب الاولاد: “ممكن واحدة تخاف لو الولاد لسه صغيرين ومحتاجين رعايتها”، مؤكدة: “لكن لما يكبروا ما أعتقدش إن فيها مشكلة خالص”.

وعن حياتها بعد الانفصال، قالت: “حياتي اتغيرت 180 درجة.. ورجعت ضحكتي اللي كانت بترن وبقيت بضحك من قلبي”، مضيفة : “دلوقتي داليا بقت نمبر واحد.. زمان كنت بعمل كل حاجة علشان اللي حواليا دلوقتي لأ، أنا الأول”.

واختتمت: “لازم تحب نفسك عشان تعرف تدي للناس”، مضيفة: “التضحية الزيادة بتعمل ضغط، وفي الآخر العلاقة بتتوتر”.