أحمد سعد: كان المفروض ما اشتركش في التجربة دي وبعتذر لجمهوري

كشف   الفنان المصري  أحمد سعد، سبب حديثه عن برنامج  The Voice، الذي عُرض مؤخرًا عبر شاشة قناة MBC مصر، وحقق نجاحًا كبيرًا بالوطن العربي بعد نجاح  المتسابقة جودي شاهين، من فريق الفنانة رحمة رياض، وحديثه بقول: أنا اتخدعت ليوضح ذلك الأمر.

وتحدث أحمد سعد في تصريح لـ القاهرة 24، حيث قال: بكن كل الاحترام لكل القائمين على البرنامج وأنا بتكلم عن نفسي الناس هتقول لو كنت كسبت كنت هقول اتخدعت؟ ولكن أنا بتكلم عن الغلطات اللي عملتها في حق  نفسي وجمهوري مثل أحمد عوادي والجمهور اليمني وأنا غلطت في اختبارات كتيرة مكنش لازم أعملها.

وأردف أحمد سعد: اخترت حاجات مش بـ إرادتي الكاملة ومعرفش أقولها ولو اتعاد عليا الزمن زي أحمد عوادي في البرنامج  كان ممكن أختارها بشخصيتي أنا ولكن اللي حصل حصل وكان المفروض ما اشتركش في التجربة دي أصلًا وده على شخصيتي أنا لأن طريقة البرنامج مش مناسبة ليا أنا.

واختتم أحمد سعد: طريقة البرنامج مش مناسبة ليا أن أظلم حد على حساب حد.. وأنا بعتذر لجمهوري ولكن مش بتكلم على حد ولا بقول إن حد عمل حاجة غير قانونية.

وسبق أن علق الفنان أحمد سعد  على فوز المتسابقة جودي شاهين، من فريق الفنانة رحمة رياض، وقال أحمد سعد، في مؤتمر حفله بالرياض: كل الحب والتقدير لصناع برنامج The Voice ولـ جودي اللي كسبت، أنا مبقولش مين يستحق ومين لأ، بس أنا شبه اتخدعت، حساباتي مكانتش ماشية كده خالص ومفيش تنظيم ماشي بالشكل ده وكان بيصب على حاجة معينة واتخدعت بصراحة.