زين كرزون لمتنمرين قالوا لها "يا بقرة يا دبة ما أقرفك":"ما بيفرق معايا شو ما قلتم"

ردت مشهورة بمواقع السوشال ميديا الأردنية زين كرزون، شقيقة المغنية ديانا كرزون، على المتنمرين، قائلة:"للناس اللي عم يتنمرون عليا بسبب فيديوهاتي ويقولون علي يا بقرة.. يا ناصحة.. يا دبة.. ما أقرفك، بدي أقولهم شيء صحتي وحياتي أهم بكثير منكم ومن الالتفات لكلامكم، أنا ما بيفرق معايا شو ما صار وشو ما قلتم".

وأوضحت:" أنتم عم تؤذون مشاعرنا لكن أنا ما عاد بيهمني شيء، يمكن لأني اتعودت على مثل هاد الكلام اللي بلا طعمة، وأنا كثير بتجيني تعليقات وقحة ومو حلوة ولكني بتجاهلها لأني أهم شيء تفضل صحتي منيحة والحال كويسة وبتتأثر بالسلبيات".

ولفتت:" صحتي أهم من شكلي بكتير وأهم شيء أهتم بيه بحياتي، صحتي أهم من تعليقاتكم ومن لبسي ومن تخني ومن ضعفي، وقبل فترة صار عليا تنمر وحكيت إني باخد دوا من 3 سنين زدت عليه 14 كيلو ودكتورتي وقفتلي إياه حاليا".

وأبانت أنها تتعرض للتنمر عندما يظهر النمش"على جسدها، مشيرة:"الله يعين كل إنسان ما هي ظروفه، ووصلت معي لمرحلة أن تضايقت فكان يجب أن أطلع بفيديو أدعو من خلاله إلى وقف التنمر".