تعليق مسؤول بـ ” الغذاء والدواء ” على ارتفاع أسعار الأدوية

الأسعار يتم تسعيرها من الشركات المنتجه حسب ثروات البلد المتحهه له-ثم بعد ذلك يضاف عليها سعر التاجر-ومعروفون من هم تجار الادويه-الاسعار في الخارج لاتقارن بما لدينا ولو صرح ذلك من صرح ولا ينكر ذلك الا جاهل -وأقول ذلك عن تجربه شخصيه ولو اعطيكم بعض أسماء الادويه واسعارها في الداخل والخارج وخاصه لبعض الامراض المزمنه لذهلتم-
مره واحد وصاني اجيب له دواء للظغط معروف عالميا احضرت له عشر علب بسعر علبه واحده عندنا-

الاسعار في مصر نار
لكن يا عزيزي لا يوجد مقارنه
انت تنظر اليها رخيصة
بسبب العملة الصرف بالريال السعودي عندما تذهب مصر
او اليمن السودان الهند با كستان الريال السعودي العملة اقوى
لكن سافر الاردن او الامارات وشوف الريال السعودي كم يعادل مع عملت بلدهم
وإلا اسأل اهل مصر عن الأسعار بالعملة المصرية الجنية
وشوف الفرق بين الريال السعودي والجنية المصري
طبعا للسائح او للمسافر للعلاج في مصر
لكن المقيم المصري
في بلدة الأسعار
نار حتى الحم نار لا يأكله في مصر الا اكابر القوم وعليتهم
اما الطبقة الكادحة لهم الله تعالى

كثييييييييير من الادوية هنا اغلى من مصر .. بسبب :

باعطيكم مثال وانتم راح تفهموا ليه الاسعار عندنا غالية ..

مثلا عقار (باراسيتامول) هذا الاسم العلمي لدواء البنادول .. يوجد لدينا في السوق اكثر من منافس له وكلهم بنفس النوعية والكفاءة وبأسعار متفاوته .. بمعنى الاسماء التجارية : فيفادول ، ادول ، بنادول ، امول ،،، كلهم نفس الدواء لكن من انتاج شركات اخرى .. وهذه تعتبر منافسة .. وعشان سعر البكت نوعا ما رخيص (تقريبا 10 ريال) ..

يوجد بعض الادوية هيئة الدواء والغذاء لاتسمح فيها المنافسة .. فيجي الوكيل ويعلي السعر بحكم انه محد منافس له .. واقدر اسرد لكم ادوية كثيرة ..

مصر لكل دواء تحصل له (جينيريك) بديل بنفس الكفاءة وبنفس الميليقرام مطابق 100% من غير اي ذرة فرق ،، وبأسعار متفاوتة ..

اللي ودة يكمل قراءة ..

قبل فترة عندنا في السعودية دواء ( نيكسيوم ) كان سعره 200 ريال .. وماكان له منافس في السوق بسبب هيئة الدواء والغذاء ماهي مسوية فسح للشركات والوكلاء بانهم يجيبوا نفس الدواء من شركات اخرى .. بعد فترة سمحوا ، وصار تقريبا موجود له 4 منافسين .. وكلهم يبيعوه من 25 ريال الى 50 ريال ..

النيكسيوم نزل من 200 ريال إلى 60 ريال … وللاسف ادوية النيكسيوم في مصر اسعارها تبدا من 10 ريال ..

الزبدة .. عدم منع الشركات من تنوع الادوية حيساهم من خفض اسعار الادوية ..

وغير كذا اغلب شراء الادوية في السعودية بنسبة 90% يكون شراء حكومي ( يكون عن طريق وزارة الصحة والمستشفيات الحكومية ) ، المواطن الحمدلله يصرف له الدواء الموصوف من الطبيب مجانا ، فالشركة بايعة بايعة .. والتامين صاير يغطي العلاجات الحين .. ـ نادرا واحد يشتري دواء من جيبه الحمدلله عشان كذا محنا حاسين بارتفاع الاسعار الحمدلله ..

يعني شركات الادويه تستدلخ الشعب السعودي….؟
فش تفسير ثاني…

المسؤلين ان شاء الله يحتون المشاكل

لاحول ولاقوة الا بالله بدل مايقول نحاول نجد حل لارتفاع الاسعار يتحجج ويضع الاعذار